8 სექტემბერს, "ბაზისბანკის" ახალ ოფისში ახალი საკრედიტო პროდუქტების - სტუდენტური სესხების პრეზენტაცია გაიმართა.
29–31 აგვისტოს, ჩაქვში ჯეპრას ტრენერებმა იმ არასამთავრობო ორგანიზაციის წარმომადგენლებს, რომლებიც ეწევიან იძულებით გადაადგილებულ პირთა უფასო იურიდიულ კონსულტაციას, საზოგადოებასთან ურთიერთობების საფუძვლებში (პიარ სამსახურების ფუნქციები, მედიასთან ურთიერთობები, პიარ კამპანიის დაგეგმვა და განხორციელება) ტრენინგი ჩაუტარეს.
ჯეპრას დირექტორი სოსო გალუმაშვილი "სამუშაო ადგილებზე პროფესიული მომზადების მიზნობრივი სახელმწიფო პროგრამის" კონსულტანტი გახდა. პროგრამა ითვალისწინებს შრომის ბაზარზე სამუშაო ძალის პროფესიული კვალიფიკაციის ამაღლებას, პროფესიის დაუფლებასა და პროფესიული უნარ–ჩვევების გამომუშავებას.
15–18 აგვისტოს ჯეპრას თანმშრომლებმა გაიარეს ტრენინგი თემაზე "კლიენტის ეფექტური მომსახურება და გაყიდვები". აღნიშნული ტრენინგის ორგანიზატორი გახლდათ "პარტნიორები – საქართველო".
6,7 და 8 აგვისტოს ჯეპრას ტრენერებმა პარლამენტარების წარმომადგენლებს საზოგადოებასთან ურთიერთობებში (პოლიტიკური კამპანიების დაგეგმვა) ტრენინგი ჩაუტარეს. აღნიშნული ღონისძიება ჩატარდა არასამთავრობო ორგანიზაცია "საერთაშორისო გამჭვირვალობა – საქართველოს" საპარლამენტო პროგრამის ფარგლებში.
მეტალურგიის საერთაშორისო დღე რუსთავის მეტალურგიულმა ქარხანამ გრანდიოზული კონცერტით აღნიშნა, რომელშიც ახალგაზრდა შემსრულებელი სალომე კორკოტაშვილი ბენდთან ერთად და ტელეპროექტ "ნუცას სკოლის" მომღერლები მონაწილეობდნენ. საღამო დისკოთეკითა და ფეერვერკით დასრულდა.
ქალთა კოალიციის დაკვეთით ჯეპრა-კრეატივმა არჩევნების პარალელური კამპანიის ატრიბუტიკა შეიმუშავა. შემუშავებულ იქნა საიდენტიფიკაციო ატრიბუტიკა, მათ შორის, ლოგო და სლოგანი. პარალელური კამპანია სლოგანით - "ქალს შეუძლია შეცვალოს" - წარიმართება. კამპანია გადაწყვეტილების მიღების პროცესში ქალის როლის გაძლიერებასა და საარჩევნო სიებში ქალთა რაოდენობის გაზრდას ითვალისწინებს. კამპანია აგვისტოში დაიწყება და წინასაარჩევნო კამპანიის პარალელური იქნება.
შოთა რუსთაველის სახელობის რუსთავის საერო უნივერსიტეტის 30 სტუდენტი შრომით სემესტრს "რუსთავის მეტალურგიულ ქარახანაში" გაატარებს. პროექტის ოფიციალური პრეზენდაცია 3 ივლისს შედგა. სტუდენტებმა შრომითი სემესტრის დაწყებას სპეციალური აქცია მიუძღვნეს. პრეზიდენტის ინიციატივას, ზაფხულის განმავლობაში სტუდენტების სხვადასხვა საწარმოებში დასაქმების თაობაზე, პირველად რუსთაველები გამოეხმაურნენ.
21, 25 და 28 ივნისს, შეკვეთილში ჯეპრას ტრენერებმა საქართველოს პარლამენტის თანამშრომლებს საზოგადოებასთან ურთიერთობებში (კომუნიკაცია და მედიასთან ურთიერთობები) ტრენინგი ჩაუტარეს. აღნიშნული ღონისძიება ჩატარდა არასამთავრობო ორგანიზაცია "საერთაშორისო გამჭვირვალობა – საქართველოს" საპარლამენტო პროგრამის ფარგლებში.
"ჯეპრამ" ლუდსახარში კომპანია "ბალტიკას" საკომუნიკაციო და საინფორმაციო კამპანიის განხორციელების საერთაშორისო ტენდერი მოიგო. საინფორმაციო კამპანია მოიცავს "ბალტიკას" საქმიანობის შესახებ საგაზეთო პუბლიკაციებს, პრომოუშენსა და სხვა პიარ ღონისძიებებს.
